Lepinotus Patruelis: Luis sit anderdag so en speel met 'n maatjie se rekenaar. Elke keer as die muis 'n rukkie nie gebruik is nie, sukkel dit egter om weer aan die gang te kom. 'n Ander slim maatjie is ook daar en sy kry nogal die affere elke keer weer aan die werk.

Luis probeer toe 'n logiese verklaring vir die tendens vind. Meteens is dit duidelik. Die muis is koordloos. Dit het nie 'n lang stert nie. Maar steeds noem ons dit 'n muis. Na regte moes dit 'n hamster gewees het. Sou ek en jy nie ook gestaak het as ander alewig ons ras verkeerd het en ons aanspreek as iets wat ons nie is nie? Uit pure moedeloosheid?

Nou het die hamster al my simpatie. As luis weer by die maatjie se rekenaar iets doen, sal hy dit dus as hamster aanspreek. Dan sal dit mos werk, want dit word gerespekteer vir wat dit is.

Kom ons respekteer mekaar se korrekte identiteite, dan sal ons baie meer samewerking kry.

KOMMENTARE
Piet Magriet: Skuus Luisie, PM sal nooit weer na jou verwys as 'n Stoffie nie!

Lepinotus Patruelis: Solank daar nie 'n besem of 'n stoflap naby is nie, vrees die luis nie. Dit weet dit is veilig by familie.

Piet Magriet: Aaaaag! Jy sal maar altyd my Stoffie bly! Die groot geluk met stof is, jy vee dit vandag weg en more is dit weer daar! "It's here to stay".