Soms skuil daar kreatiewe woorddisse selfs in ons gewone skerts/raad onder mekaar. Hierdie tergversies het so onstaan en natuurlik die woorddief se hart gesteel.

Suiker en wim werk teen luise in die tuin;
die luise eet die suiker - dan skuur die wim
hulle tande stomp en siedaar, nes die skim
het jou luisprobleme, ook oornag verdwyn!

© oudswaerie Deon se 11 lettergrepige luisraad aan sy silwersus (sy woord vir gewese skoonsus)

~~~~~~~~~~~~~~~~

Ek het ook gehoor dat jy Wim moet snuif
as jy vuil gedagtes het.

Nou kry mens nie meer Wim nie en
Louwater Komo gee my borrelsiekte.

© Naas

~~~~~~~~~~~~~~~~~~~~~

Onooglike Kurwe Duet (PM & Meraai)

Ons
het kurwes
wat 'n landrot
seesiek sal maak
(M)

Dit
lyk vir my
meer na slaggate!
(PM)

Skuldig begin ons toe dink
aan minder eet en Loxie dra fotos aan
van plankdun geraamtes wat nog asemhaal.
Raak ons woorde anoreksies minder:

M: Kleine plankie! (om die of een of ander rede pas grote griet net nie hier nie)
PM: Het jy geroep Raaitjie? Hier is Grote Griet!

~~~~~~~~~~~~~~~~~

Al sit Lox langs 'n harige ding
bly hy maar ons liewe ling...

© Naas

~~~~~~~~~~~~~~~

Seg my goeie ou vrind: "jy sil dit nie geloof -
sodra ek water hoor het ek 'n grootte nood ..."

Seg ek vir hom: "is oor die ouderdom slinks
onse 'k' kom skaai het uit die ou gesegde:

hoe later hoe kwater ...
nou sit ons met net die water!"

© Meraai & Vrind Joe

~~~~~~~~~~~~~~

Op kreatiewe noo(d)t ♪♪ uit die woordkroeg:

Hier's sy weer,
hier's sy weer,
met haar rooirok voor jou deur,
sy gaan jou doop, sy gaan jou doop,

al val jy driemaal van jou stoel
dan staan jy op,
sy gaan jou kry!

(Die biere/bure wou toe al vir PM betaal om stil te bly, toe dig sy maar ander noot verder voort )

Enige Tequila is goed vir my,
soveel as moontlik
so gou as moontlik!!

Eish,
ek het al 'n paar keer afgeval.
Eers van die lag
en toe van die gesuip!!

Oeee!!
Ek laaaiik syp,
ag ek bedoel suip!!
Amper val my valstanne
in my dop!

Keer! Ag dis te laat, daar val ek al weer af!!

© PM

~~~~~~~~~~~~~~~~

© Mevrou Varkie (Lorraine) en die morning after

Dit is wanneer jy begin bang raak vir geluide;
die son, jou lewer, die kat, jou vrou/man/baas,
jou skaduwee, die kraan, liewe heksie,
die swartgevaar
en die rooigety.

MAAR . . .

brandewyn het mos nie brieke nie!!

~~~~~~~~~~~~~~~~

Van drink kan jul my niks meer leer.
Rooiwyn maak my nie seer,
brandewyn se remme breek
en drie skippies vaar die hele week.
Maar aai, die bier maak my heel swak.
Drink ek een, pie ek 'n hele sesman pak.

© Naas

Meraai vannie baai: Afrikaanse Lampoon
Lampoon: Geskrewe woorde/skets waarin die spot openlik en kras gedryf word met persone
Hier is my twee voorbeelde.

ZumA: Die einde of begin?

Vir sommiges
is hy slegs
die baboon
in 'n lampoon

Lampoonse Grafskrif:

Jou warm asem in my nek
en natsoene wat orig kleef;
jy't die hele buurt ophol gehad!
Einde ten laaste gevrek -
hier rus 'n goeie teef!

*jammer oor die oophek Vroulief!

© Meraai vannie baai